24 naýryzda koronavırýspen tirkelgen áıel dárigerge ózi júgingen, dep habarlaıdy Qamshy.kz aqparat agenttigi Qazaqstandaǵy koronavırýs jaǵdaıy boıynsha resmı saıt deregine súıenip.

Dálirek aıtqanda, shetelge de shyqpaǵan qazaqstandyq áıel ózin nashar sezingen soń dárigerge júgingen. 

"21 naýryzdan bastap áıeldiń dene qyzýy kóterilip júrgen. Sodan kelesi kúni ol ınfeksıalyq stasıonarǵa jatqyzylǵan. Al 24 naýryzda onyń koronavırýs juqtyrǵany belgili boldy" dep habarlaıdy Qazaqstandaǵy koronavırýs jaǵdaıy boıynsha resmı saıt.

Al taǵy bir naýqas 22 naýryzda Londonnan Mınsk-Nur-Sultan reısimen kelgen. Ol birden karantındik stasıonarǵa oqshaýlandy. Keıin dıagnoz nátıjeleri ushyp kelýshiniń vırýs juqtyrǵanyn rastaǵan. Artynsha ony juqpaly aýrýlar aýrýhanasyna jetkizgen.

"Shaǵym joq, klınıkalyq belgileri joq, dene qyzýy qalypty. Onymen baılanysqa túskender ınfeksıalyq stasıonarǵa jatqyzyldy. Qazirgi ýaqytta ushaq bortynda jaqyn qarym-qatynasty anyqtaý jumystary júrgizilýde" dep habarlaıdy saıt.

Anyqtalǵandaı, 24 naýryzda saǵat 12:00-de Qazaqstan boıynsha aýyrǵandar sany 68 adamǵa jetti.

Oqı otyryńyz: "Koronavırýs juqtyrǵan adamdardyń sany kúrt ulǵaıatyn ýaqyt áli alda": resmı ókil boljam aıtty